Ka Department jong ka Agriculture bad Farmer’s Welfare, jong ka sorkar jylla Meghalaya lyngba ka office jong u Principal, Basic Agriculture Training Centre (BATC) 6th Mile Upper Shillong ka khot application ia ki nongshong shnong ba pura ka jylla Meghalaya na ka bynta ka 2 bnai ka jingai jinghikai ba la iarap da ka Basic Agriculture Training Centre Scheme 2022-23 da ka “Ka jinghikai ai jingiarap ban seng kam hi da lade halor ki kam ri jingri bad kam rep kam riang”.

Kane ka sien ka ar yn jied tang ia ki kynthei na ki ki disrticts East Khasi Hills, West Khasi Hills, South West Khasi Hills, Eastern West Khasi Hills, Ri-Bhoi, East Jaintia Hills bad West Jaintia Hills.

Ki application form lah ban ioh na ka office jong ka Directorate of Research Training and Technology Induction, Department jong ka Agriculture Campus, Cleve Colony, Shillong, Principal B.A.T.C Upper Shillong, District Agriculture Office & District Horticulture Office ( East Khasi Hills, West Khasi Hills, South West Khasi Hills, Eastern West Khasi Hills, Ri-Bhoi, East Jaintia Hills bad West Jaintia Hills).

Ka tarik ba khatduh kan long ha ka 15th November, 2023.